↩ Neschen Songs • Wiggerjonn ∘ Kölsch | Neschen Songs •

✶ Wiggerjonn ✶ Kölsch | Neschen Songs

»Do steiht en Muur« sähs du
»He bliev ich stonn«
En Mur, sag ich, ich sinn
Drei Meter dick un us Beton
Mer hätt solch Muure schon of falle sinn
Vielleicht hätt ene Schmetterling
Mem Flöjelche se aanjedötsch
Dat jöv ne minimale Blötsch
Wör Kraff jenoch...
Un sag, wer weiß ob dinge Ödem nit
Dä Windhauch is dä se zom falle bringk?

Su: wenn do meins, bliev stonn
Ävver do künnts och noch
E janz klei Stöckche wiggerjonn
Do künnts och noch e janz klei Stöckche wiggerjonn

»Ich ben su möd« sähs du
»Stonn nie mih op«
»Zo möd« sag ich »is klor
De Föß, de Knoche un d'r Kopp«
Mer hätt och Möde schon ens höppe sinn
Vielleich steck noch ene Funke drin
Ne Funke rud jlimmp höösch un leis
Deef unger Schotter, Erz un Jneis
Wör Kraff jenoch...
Un sag, wer weiß, ob dinge Ödem nit
Dä Windhauch is, dä in zom brenne bringk?

Su: wenn do meins, bliev stonn...

»Mir sin esu möd
Mir hann su vill jedonn
Hann he un do jekämpf
Un sin schon halv us dem Fazong
D'r Mot is schwach un och die Enerjie
Wo blieve Lus un Phantasie
De Maue schlaff, et jeiht bergav
Jo sag, wat hätt mehr schon jeschaff?
Niemols jenoch !«

Ävver wer weiß ob üüre lange Ödem nit
Dä Windhauch is dä aale Mief verdriev?
Wat wör dann die Alternativ?

Wat is, blieve mer stonn?
Ävver et kann doch nit die janze Zick esu wiggerjonn
Nä, et kann doch nit die janze Zick esu wiggerjonn

Dröm rofe mer: Los jonn
Jo, mer künne noch e ööntlich Stöckche wiggerjonn
Mer künne noch e ööntlich Stöckche wiggerjonn